Հնդկական սերիալները 17-ի համար մի քիչ ծեծված թեմա են դարձել, բայց, այնուամենայնիվ, ցանկանում եմ իմ տեսակետը հայտնել:
Սկզբում եկեք համեմատենք հնդկական և հայկական սերիալներից որն են ավելի շատ դիտում: Անխոս, հայերի կողմից հնդկական սերիալները ավելի շատ են դիտվում, քան հենց հայկականները։ Երկրորդ ու գլխավոր առավելությունը հնդկական սերիալների ըստ իս այն է, որ հնդիկ սցենարիստները կարողանում են իրենց ֆիլմերի միջոցով մեզ ներկայացնել իրենց երկրի ծեսերը, պատմությունը: Այս երևույթը գրեթե բացակայում է հայկական սերիալներում։
Բայց ամենահետաքրքիրն այն է, որ մենք չզգացինք, թե ինչպես հետզարգացում ապրեցինք, որովհետև մի քանի տարի առաջ սարկազմով էինք խոսում հնդկական ֆիլմերի մասին։ Ծիծաղում էինք, թե ինչպես են նախկինում դիտել նմանատիպ «ֆանտաստիկ» ֆիլմեր, բայց արի ու տես, որ կրկին սկսվել է դրանց ցուցադրությունը։