Մեր ուզածն ի՞նչ է

Հայաստանում շատ կան անօթևան մարդիկ: Բայց գաղտնիք չէ, որ Գյումրիում ամենաշատ անօթևաններն են ապրում. 4500 անօթևան ընտանիք: Շատ եմ շրջել Գյումրու տարբեր թաղամասերով, այնպիսի տնակներ և այնտեղ ապրող երեխաներ եմ տեսել, որ սիրտս իսկապես ցավել է:

Հովհաննիսյանների ընտանիքը 28 տարի է՝ ապրում է այս տնակում։ Ընտանիքը ցանկություն չունի հեռանալ այս երկրից, նաև այդ տնից: Ընտանիքի հայրը՝ Հովհաննիսյան Հրաչը, ունի մի ցանկություն՝ վերակառուցել իր տնակը, որ իր երեխաները մեծանան նորմալ տան մեջ և չզգան այն ցավը, որն ինքն է զգացել։ Հրաչի ընտանիքին օգնել են, բայց աշխատանք չեն առաջարկել: Հրաչը և նրա կինը՝ Հովհաննիսյան Ազնիվը, պատրաստ են աշխատելու, որ իրենց երեխաները ունենան բարեկեցիկ ապագա: Այս տնակում ապրում են 4-հոգով՝ ամուսինը, կինը և երեխաները՝ Լևոնը և Սոֆյան: