Սպասո՞ւմ եք ամսվա ամփոփմանը: Ի՞նչ եք բաց թողել 17-ում փետրվարին, ի՞նչն արժե մեկ անգամ ևս կարդալ, ինչի՞ն են ավելի շատ ուշադրություն դարձրել 17-ի  ընթերցողներն ու խմբագիրները:

Քանի որ մենք երիտասարդ ենք, բնականաբար, առաջինն սկսում ենք հենց մեզ հուզող հարցերից: Եթե աչքիցդ վրիպել է, ապա խորհուրդ ենք տալիս կարդալ Սարգիս Մելքոնյանի «Մենք, որ մենք ենք» հոդվածը:

Չենք կարող չնշել Հռիփիմե Եղիազարյանի «Երազանքիցս մի փոքր ուշացած» հոդվածը երիտասարդներին հուզող շատ կարևոր հարցի՝ աշխատանքի փնտրտուքի մասին, որին  բախվում են բուհն ավարտող երիտասարդները:

Աշխատատեղերի կրճատման, գործազրկության թեմաներով է նաև Էմմա Միքայելյանի «Երեք հազար աշխատատե՞ղ» հրապարակումը:

Ի դեպ, ուզում ենք հատուկ հիշել մեր թղթակից Օֆելյա Հովհաննիսյանին, ով փետրվարին դուրս եկավ նոր մեկնարկի մի շարք հոդվածներով: Խորհուրդ ենք տալիս կարդալ նրա «Քեզ հետ, թեև առանց քեզ» հոդվածը:

Կարդացեք նաև Մարիամ Տոնոյանի «Երիտասարդ քրիստոնյայի աչքերով» շարքի հոդվածները: Մենք շատ ենք ուրախանում, երբ մեր թղթակիցները գտնում են հետաքրքիր թեմաներ և գրում են ոչ թե մեկ հոդված, այն էլ, երբ «մուսան գալիս է», այլ փորձում են խորանալ թեմայի մեջ, և արդյունքում ստեղծվում է հոդվածաշար:

Այդպիսի մի հոդվածաշար ծնվեց փետրվարին մեր երկրի համար ծանր խնդիրներից մեկի մասին, երբ մեր թղթակիցներից շատերը  անդրադարձան եւ դեռ շարունակում են անդրադառնալ արտագաղթի և արտագնա աշխատանքի թեմաներին: Խորհուրդ ենք տալիս անպայման կարդալ  Թինա Մաքոյանի «Թինչոն մեծանում է առանց ձեզ», Անուշիկ Մկրտչյանի «Մենակ դու չես», Աննա Գասպարյանի «Դառը ապրուստ» հոդվածները:

Ի դեպ, 17-ի ընթերցողներին նաև նոր անակնկալներ են սպասվում: Մենք սկսում ենք նոր խորագիր՝ «Գիտահանրամատչելի», որտեղ հետաքրքիր հոդվածներ եք կարդալու գիտության, մշակույթի, արվեստի և տեխնիկայի մասին: Փետրվարին հրապարակվել է Նելլի Խաչատրյանի «1+1=2, իսկ մնացածը տրամաբանական է» հոդվածը, առաջինը հետաքրքրաշարժ մաթեմատիկայի մասին ձեզ սպասվող հոդվածաշարից:

Համոզված եմ, շատերդ կարդացել եք փետրվարի մեր ամենահավես նյութը՝ Մարիամ Նալբանդյանի «Ազատության էտյուդներ. սեւ, սպիտակ, քիթիկը՝ վարդագույն» մի շնչով կարդացվող պատմությունը: Եթե վրիպել էր ձեր աչքից, ապա հենց հիմա կարդացեք:

Փետրվարի ամենաընթերցված նյութը Մարիամ Բարսեղյանի «Ուր բերում են մտքերդ…»  հարցազրույցն է Վանաձորի «Թեյնիկ» հակասրճարանի հիմնադրի հետ, իսկ ամենադիտվածը՝ Սուրեն Կարապետյանի «Թե ինչպես պապս հանդիպեց տատիս» ֆիլմը:

Դե ինչ, կհանդիպենք արդեն հաջորդ ամիս: Ո՞վ գիտի, միգուցե հաջորդ ամիսն ամփոփելիս քո ուղարկած թղթակցությունն էլ հայտնվի լավագույնների շարքում: