17 » Ժասմին Մուքաելյան https://www.17.am Sun, 10 May 2026 16:09:56 +0000 hy-AM hourly 1 http://wordpress.org/?v=3.8.1 Ուզում եմ գան հին ու բարի օրերը https://www.17.am/%d5%b8%d6%82%d5%a6%d5%b8%d6%82%d5%b4-%d5%a5%d5%b4-%d5%a3%d5%a1%d5%b6-%d5%b0%d5%ab%d5%b6-%d5%b8%d6%82-%d5%a2%d5%a1%d6%80%d5%ab-%d6%85%d6%80%d5%a5%d6%80%d5%a8/ https://www.17.am/%d5%b8%d6%82%d5%a6%d5%b8%d6%82%d5%b4-%d5%a5%d5%b4-%d5%a3%d5%a1%d5%b6-%d5%b0%d5%ab%d5%b6-%d5%b8%d6%82-%d5%a2%d5%a1%d6%80%d5%ab-%d6%85%d6%80%d5%a5%d6%80%d5%a8/#comments Wed, 02 Dec 2015 09:55:57 +0000 http://www.17.am/?p=4237
Լուսանկարը՝ Էլզա Զոհրաբյանի

Լուսանկարը՝ Էլզա Զոհրաբյանի

Ես սովորում եմ 9-րդ դասարանում, և ինչպես բոլոր ավարտական դասարաններում մեր դասարանում նույնպես ամսվա մեջ գոնե մեկ անգամ լինում են վեճեր փախչողների ու չփախչողների միջև: Ես պատկանում եմ փախչող մարդկանց խմբին: Վերջերս դպրոց է եկել նախկին ֆիզիկայի ուսուցչուհին, ում դասարանի մեծ մասը չի սիրում: Գրեթե ամեն օր մենք ուզում ենք նրա դասից փախչել, կամ ինչ-որ չար կատակ անել: Այդ ուսուցչուհին ինչպես և դպրոցի ուսուցիչների մեծ մասը ատում է մեր դասարանը, քանի որ մենք դպրոցի ամենաչար դասարանն ենք: Մեր դասարանում սովորում է փոխտնօրենի թոռնուհին, և նա ամեն անգամ զգուշացնում է ուսուցչուհուն, թե մենք ինչ ենք ուզում անել:
Անկեղծ ասած, իմ դասարանը մի փոքր անկազմակերպ է, որովհետև լավ ու բարի ժամանակներում մենք եղել ենք երկու տարբեր դասարաններ. 7Ա և 7Բ: Այդ մասին անընդհատ խոսում են թե ուսուցիչները, թե աշակերտները և անընդհատ հիշեցնում են, որ 7Ա-ն այս էր լավ անում, 7Բ-ն` այն: Ես սովորում էի 7Ա դասարանում, մենք նույնպես վիճում էինք, բայց վեճը շատ շուտ վերածվում էր կատակի, իսկ հիմա վեճը վերածվում է պատերազմի: Դասարանը բաժանված է խմբերի, և դա տհաճ է, երեխաների կեսը ընկերներ չունեն, աղջիկները անընդհատ վիճում են, իսկ տղաները պահում են իրենց շատ սանձարձակ և միայն բարձր ձայնը կարող է նրանց հանդարտեցնել: Չնայած այսքան շատ թերություններին, մեր դասարանը ունի նաև որոշ առավելություններ` դպրոցի ավագ դասարանը մենք ենք և պետք է կարևոր որոշումները կայացնենք մենք, դպրոցի բարդ աշխատանքները տրվում են մեզ, միջոցառումները կազմակերպում է մեր դասարանը, դպրոցի այլ դասարանները չեն տեսնում մեր դասարանի ներսում կատարող խնդիրները և ամենակարևորը, մենք ունենք բարի դասղեկ, ով ներում է մեր կատարած բոլոր սխալները: Չնայած ամեն ինչին, ես ուզում եմ հետ բերել հին ու բարի ժամանակները:

]]> https://www.17.am/%d5%b8%d6%82%d5%a6%d5%b8%d6%82%d5%b4-%d5%a5%d5%b4-%d5%a3%d5%a1%d5%b6-%d5%b0%d5%ab%d5%b6-%d5%b8%d6%82-%d5%a2%d5%a1%d6%80%d5%ab-%d6%85%d6%80%d5%a5%d6%80%d5%a8/feed/ 0