17 » Սվետա Իսրայելյան https://www.17.am Sat, 27 Sep 2025 09:21:21 +0000 hy-AM hourly 1 http://wordpress.org/?v=3.8.1 Կարծես թե ձմեռը եկավ https://www.17.am/%d5%af%d5%a1%d6%80%d5%ae%d5%a5%d5%bd-%d5%a9%d5%a5-%d5%b1%d5%b4%d5%a5%d5%bc%d5%a8-%d5%a5%d5%af%d5%a1%d5%be/ https://www.17.am/%d5%af%d5%a1%d6%80%d5%ae%d5%a5%d5%bd-%d5%a9%d5%a5-%d5%b1%d5%b4%d5%a5%d5%bc%d5%a8-%d5%a5%d5%af%d5%a1%d5%be/#comments Fri, 18 Nov 2016 12:40:42 +0000 http://www.17.am/?p=13650 Մեզ մոտ՝ Մարտունիում, կարծես ձմեռ լինի: Երկու օր առատ ձյուն տեղաց: Գիտեի, որ մոտ օրերս ձյուն է գալու: Սակայն, երբ տեսա արագավազ ձյան խոշոր փաթիլները, շատ զարմացա: Իմ կարծիքով, լինելու էր ձյան բարակ շերտ և հալվելու էր: Բայց հակառակը՝ ձյունն իջնում էր արագ և վստահ, կարծես փորձում էր ձմռան շունչ հաստատել:

Մեզ մոտ ավարտվել էր բերքահավաքը դաշտերում ու այգիներում: Այդ առումով մարդիկ հանգիստ էին: Լուծված է նաև վառելիքի խնդիրը: Այդ մասին մեզ մոտ մտածում են դեռ ամռանը:

Լուսանկարը` Բելլա Առաքելյանի

Լուսանկարը` Բելլա Առաքելյանի

Ձմեռն այս տարի մեր թաղամասում սպասված էր: Ավարտվել էր Մյասնիկյան փողոցի ասֆալտապատումը: Նախորդ տարիներին, երբ փետրվար-մարտ ամիսներին ձյունը հալվում էր, առաջանում էին մեծ ջրափոսեր: Երթևեկելն ու գնալ-գալը անտանելի էր դառնում: Այս տարի այդպես չէ, որովհետև մեր ճանապարհը նորոգվել է:

Մեզ մոտ, մանավանդ գյուղերում, ձմեռը կարծես հանգիստ է մեծերի համար: Գարնանը, ամռանը, աշնանը նրանք շատ են աշխատում հողամասերում ու այգիներում, և ավարտելով այդ աշխատանքները, ձմռանը կարծես հանգստանում են:

Ձյունն իջնում է արագ և առանց կանգ առնելու: Ձմռան շունչը զգացվում է:

]]> https://www.17.am/%d5%af%d5%a1%d6%80%d5%ae%d5%a5%d5%bd-%d5%a9%d5%a5-%d5%b1%d5%b4%d5%a5%d5%bc%d5%a8-%d5%a5%d5%af%d5%a1%d5%be/feed/ 0