17 » Կարինե Հովսեփյան https://www.17.am Thu, 30 Apr 2026 08:38:07 +0000 hy-AM hourly 1 http://wordpress.org/?v=3.8.1 Մաստարայի բառնուբանը https://www.17.am/%d5%b4%d5%a1%d5%bd%d5%bf%d5%a1%d6%80%d5%a1%d5%b5%d5%ab-%d5%a2%d5%a1%d5%bc%d5%b6%d5%b8%d6%82%d5%a2%d5%a1%d5%b6%d5%a8/ https://www.17.am/%d5%b4%d5%a1%d5%bd%d5%bf%d5%a1%d6%80%d5%a1%d5%b5%d5%ab-%d5%a2%d5%a1%d5%bc%d5%b6%d5%b8%d6%82%d5%a2%d5%a1%d5%b6%d5%a8/#comments Fri, 03 Aug 2018 11:28:59 +0000 http://www.17.am/?p=29707 Մեր գյուղը՝ Մաստարան, ունի իր բարբառը: Հետաքրքիր խոսելաոճ, որը երբեմն նմանեցնում են Գյումրու բարբառին: Չնայած, որ գյուղի բնակիչների մի մասը խոսում է գրական հայերենով, բայց և այնպես երիտասարդների և տարեցների մեծամասնությունը խոսում է Մաստարայի բարբառով: Հիշում եմ՝ մի անգամ մի կին, որը, ի դեպ, Երևանից էր, ասաց.

-Վայ, Կարինե ջան, Մաստարայի՞ց ես։

-Հա,- պատասխանեցի:

-Ես շատ եմ սիրում ձեր գյուղի բարբառը, որ խնդրեմ՝ կխոսե՞ս լսեմ:

Մի պահ պապանձվեցի, ախր ես չեմ կարող, մանկուց «մաքուր» հայերենով եմ խոսում, բայց սթափվեցի ու ասացի.

-Ես չեմ կըրա ըդպես խոսամ:

Եվ բոլոր ներկաները սկսեցին ծիծաղել, որովհետև մի կերպ արտաբերեցի այդ բառերը:

Եվ այսպես, ահա մի քանի բարբառային բառեր Մաստարայից:

1․ Էթալ- գնալ
2․ Էտըմ իմ- գնում եմ
3․ Իմալ իս- ոնց ես
4․ Խնդալ- ծիծաղել
5․ Փարա- փող
6․ Նամուս- պատիվ
7․ Կայնել- կանգնել
8․ Դոր- ուր
9․ Հոս- այստեղ
10․ Լեն- լայն
11․ Ջուխտ- զույգ
12․ Ղուշ- աղավնի
13․ Վռազ- արագ
14․ Բոստան- բանջարանոց
15․ Ըսմա- ասում է
16․ ժնջիլ- շղթա
17․ Կյառ- խուլ
18․ Լագյան- աման
19․ Մինդար- ներքնակ
20․ Բոլ ա- հերիք է
21․ Ջանդակ- մարմին
22․ իսան- մարդ

Հաստատ էլի կան բարբառային բառեր, որոնք չկարողացա թարգմանել: Ըստ իս՝ մեր գյուղը գեղեցիկ և յուրօրինակ է ոչ միայն տեսարժան վայրերով, այլ նաև իր բարբառով:

]]> https://www.17.am/%d5%b4%d5%a1%d5%bd%d5%bf%d5%a1%d6%80%d5%a1%d5%b5%d5%ab-%d5%a2%d5%a1%d5%bc%d5%b6%d5%b8%d6%82%d5%a2%d5%a1%d5%b6%d5%a8/feed/ 0 Որ գյուղս գեղեցկանա https://www.17.am/%d5%b8%d6%80-%d5%a3%d5%b5%d5%b8%d6%82%d5%b2%d5%bd-%d5%a3%d5%a5%d5%b2%d5%a5%d6%81%d5%af%d5%a1%d5%b6%d5%a1/ https://www.17.am/%d5%b8%d6%80-%d5%a3%d5%b5%d5%b8%d6%82%d5%b2%d5%bd-%d5%a3%d5%a5%d5%b2%d5%a5%d6%81%d5%af%d5%a1%d5%b6%d5%a1/#comments Sat, 01 Apr 2017 11:37:59 +0000 http://www.17.am/?p=17671 Կարինեն եմ, 14 տարեկան: Ապրում եմ Արագածոտնի մարզի Մաստարա գյուղում: Սիրում եմ մասնակցել տարբեր ծրագրերի և միջոցառումների: Վերջերս մեր գյուղում բացվեց  IMPACT անունով սոցիալական նորարարության զարգացման հիմնադրամը: Ուսուցիչս ինձ գրանցեց որպես ակտիվ աշակերտի: Սկզբում չէի հասկանում ծրագրի իմաստը, սակայն արդեն մեկ տարի է, ինչ հաճախում եմ և հասցրել եմ նոր գիտելիքներ ձեռք բերել: Իմ համայնքը շատ խնդիրներ ունի, բայց ամեն ծրագրի հետ, մեկը լուծվում է և այն ավելի է զարգանում: Իմ գյուղը շատ տեսարժան վայրեր ունի ու զբոսաշրջիկների պակաս երբեք չի եղել։ Այդ պատճառով որոշեցինք, որ առաջին ծրագիրը Սուրբ Խաչ կոչվող մատուռի մոտ պետք է լինի: Իրականում, քանի որ մեր տունը գտնվում է նրա հարևանությամբ, ես շատ կապված եմ մատուռի հետ: Երկրորդ ծրագիրը նույնպես պատրաստ է։ Մնում է մտածենք երրորդի մասին:

Ուզում եմ, որ գյուղս ավելի գեղեցկանա, դառնա ավելի բարեկեցիկ:

]]> https://www.17.am/%d5%b8%d6%80-%d5%a3%d5%b5%d5%b8%d6%82%d5%b2%d5%bd-%d5%a3%d5%a5%d5%b2%d5%a5%d6%81%d5%af%d5%a1%d5%b6%d5%a1/feed/ 0