17 » Նանե Դանիելյան https://www.17.am Sun, 10 May 2026 16:09:56 +0000 hy-AM hourly 1 http://wordpress.org/?v=3.8.1 Մագիլ պապիս պատմությունը https://www.17.am/%d5%b4%d5%a1%d5%a3%d5%ab%d5%ac-%d5%ba%d5%a1%d5%ba%d5%ab%d5%bd-%d5%ba%d5%a1%d5%bf%d5%b4%d5%b8%d6%82%d5%a9%d5%b5%d5%b8%d6%82%d5%b6%d5%a8/ https://www.17.am/%d5%b4%d5%a1%d5%a3%d5%ab%d5%ac-%d5%ba%d5%a1%d5%ba%d5%ab%d5%bd-%d5%ba%d5%a1%d5%bf%d5%b4%d5%b8%d6%82%d5%a9%d5%b5%d5%b8%d6%82%d5%b6%d5%a8/#comments Fri, 01 Apr 2016 12:46:34 +0000 http://www.17.am/?p=6533 Վայոց ձորիս տաքուկ գյուղերը շատ են, դրանցից մեկը Արենի գյուղն է` գինու և խաղողի հայրենիքը: Այդ գյուղական միջավայրը ինձ համար մի ուրիշ աշխարհ է: Միշտ ցանկացել եմ գտնել մի փոքր պատմություն և գրել այդ մասին: 

Դե մի օր էլ գնացինք գյուղ, հաց էինք թխում, մեկ էլ, ըհը, թոնրի կողքին տեսա մի քանի փորագրած տառեր:
-Տատ, այ տատ, էդ ի՞նչ տառեր են:
-Նանիս, էսի պապիս ու պապաս են փորագրել: -Տատ, բայց ինչի՞ թոնրի կողքը:
-Նանիս, էս թոնիրը սարքել ա իմ պապին, պապաս էլ իրա անվան տառն ա գրե, պապիս էլ` իրա: Հիմա պիտի իմ ախպեր Ահարոնը իրա Ա տառը գրի, բայց դե, որտի՞ց… Բախտավար…  Ռուսաստաններն ա: Մագիլը` իմ պապան, շատ հռչակավոր մարդ ա եղել: Հարգված, խելացի, բայց գրագետ չէր: Ռիսկով էր, ում ասես` Մագիլին գիտե՞ք, էնքան բան կասեն… Ինքը քարանձավ ա գտել, էդ քարանձավից շատ բաներ են գտել: Մինչև հիմա էլ պեղում են, էլի: Էնքան լավ մարդի էլե, որ իրա մասին գիրք են կիրե:
-Հա, դե լավ, տատ ջան:Այս փոքր զրույցից հետո որոշեցի փնտրել և իմանալ Մագիլ պապիս պատմությունը: Պապիկներին, որ հավաքվում են գյուղի «ԱԺ»-ում, հարցրեցի.
-Պապիներ, Մագիլին ճանաչո՞ւմ եք:
Այդ հարցից հետո պապիկները մեկը մեկին հանգիստ չէին տալիս:
Շատ բաներ պատմեցին ինձ, սկսեցի ուսումնասիրել Մագիլ պապիս կենսագրությունը և շուտով ավելի մանրամասն կգրեմ ձեզ:

]]> https://www.17.am/%d5%b4%d5%a1%d5%a3%d5%ab%d5%ac-%d5%ba%d5%a1%d5%ba%d5%ab%d5%bd-%d5%ba%d5%a1%d5%bf%d5%b4%d5%b8%d6%82%d5%a9%d5%b5%d5%b8%d6%82%d5%b6%d5%a8/feed/ 0 Ում համար է տունը կառուցվել https://www.17.am/%d5%b8%d6%82%d5%b4-%d5%b0%d5%a1%d5%b4%d5%a1%d6%80-%d5%a7-%d5%bf%d5%b8%d6%82%d5%b6%d5%a8-%d5%af%d5%a1%d5%bc%d5%b8%d6%82%d6%81%d5%be%d5%a5%d5%ac/ https://www.17.am/%d5%b8%d6%82%d5%b4-%d5%b0%d5%a1%d5%b4%d5%a1%d6%80-%d5%a7-%d5%bf%d5%b8%d6%82%d5%b6%d5%a8-%d5%af%d5%a1%d5%bc%d5%b8%d6%82%d6%81%d5%be%d5%a5%d5%ac/#comments Mon, 01 Feb 2016 14:56:41 +0000 http://www.17.am/?p=5206  

Լուսանկարը՝ Նանե Դանիելյանի

Լուսանկարը՝ Նանե Դանիելյանի

Վայոց ձորի պատանի թղթակիցներով գնացել էինք գյուղ Մալիշկա նկարահանման, որը Հայաստանի ամենամեծ գյուղերից մեկն է: 

Փողոցները խուլ էին, կարծես բնակչություն չլիներ, մարդ էինք ման գալիս որ «չըրխկացնեինք»: Մեղավորը նաև եղանակն էր, որ բոլորին տուն էր տարել, տեղավորել տաք վառարանների մոտ:
Շատ գնացինք-քիչ գնացինք, մեկ էլ, ըհը` հանդիպեցինք Լավրենտ պապիկին ու Անիկ տատիկին:
Անմիջապես վազեցի և սկսեցի զրույցի թեմա փնտրել:
Հարցրեցի.
-Պապի, կարո՞ղ եմ ձեզ նկարել:
-Հա, բալա ջան, մաշինիս հետ նկարի, որ տելեվիզրով ցույց տաս:

-Պապի, ձեր անունն ի՞նչ է:
-Խալիվոր:
-Խալիվո՞ր,- մի պահ զարմացա, թե ինչպես կարող է մարդու անունը Խալիվոր լինի: Ու հետաքրքրությունից ելնելով հարցրեցի.
-Պապի, բայց ինչի՞ Խալիվոր:
-ԷԷհհհ, դե քիչ ա մնացել:
Իմ ու Խալիվոր պապի զրույցը «շաքարով կտրեց» Անիկ տատը:
-Այ մարդ, ո՞վ ա էս նախշունը:
-Էկել են մեզ նկարեն

-Բալա ջան, ուրեմն ասեմ. ես ու Լավրենտս ուղիղ հիսուն տարի ա, ինչ իրար խետ էյ: Նայի, բալա ջան, նայի. էս տան քարերը մենք ենք դրել իրար վրա` ես ու Լավրենտս: Երկու տղա ունեմ, մի աղջիկ, էսօր էլ աղջկաս ճամփեցի Մոսկվա: Հիմա մենակ եմ մնացել Խալիվորիս հետ: Տասը թոռ ունեմ, բայց կեսին չեմ տեսել: Բա սենց էլ կյա՞նք կլինի: Մարդ մտածում ա` գնա ուրիշ երկիր, մի կողմից էլ` ո՞նց թողնեմ, ոնց… Բա մեր քյոռփեքը ընչի համար են գնում ծառայելու:
Անիկ տատին փորձում էի հանգստացնել, իսկ նա շարունակեց.

-Բալա ջան, չմոռանաս գրել` Անիկ և Լավրենտ Այվազյաններ:

Ինչ հետաքրքիր է, չէ, մարդիկ իրար հետ ապրում են մի ամբողջ կյանք, իսկ կյանքի վերջում այսքան տխուր հարցականներ, որոնք այլևս չեն կարողանում լուծել:

]]> https://www.17.am/%d5%b8%d6%82%d5%b4-%d5%b0%d5%a1%d5%b4%d5%a1%d6%80-%d5%a7-%d5%bf%d5%b8%d6%82%d5%b6%d5%a8-%d5%af%d5%a1%d5%bc%d5%b8%d6%82%d6%81%d5%be%d5%a5%d5%ac/feed/ 0