17 » Լիլիթ Թովմասյան. Արարատ https://www.17.am Sun, 10 May 2026 16:09:56 +0000 hy-AM hourly 1 http://wordpress.org/?v=3.8.1 Իսկ ես ի՞նչ եմ ուզում https://www.17.am/%d5%ab%d5%bd%d5%af-%d5%a5%d5%bd-%d5%ab%d5%9e%d5%b6%d5%b9-%d5%a5%d5%b4-%d5%b8%d6%82%d5%a6%d5%b8%d6%82%d5%b4/ https://www.17.am/%d5%ab%d5%bd%d5%af-%d5%a5%d5%bd-%d5%ab%d5%9e%d5%b6%d5%b9-%d5%a5%d5%b4-%d5%b8%d6%82%d5%a6%d5%b8%d6%82%d5%b4/#comments Tue, 30 Oct 2018 11:39:29 +0000 http://www.17.am/?p=31633 Մասնագիտություն ընտրելը սարսափելի բարդ է ինձ համար: Ախր, էդ մասնագիտություն կոչվածը ամբողջ կյանքի համար է, բա որ սխալվե՞մ:

-Մա՛մ, դե ասա՝ ի՞նչ դառնամ:

-Լի՛լ, դու շատ լավ հաղորդավարուհի կլինես: Միշտ երազել եմ քեզ էկրանից այն կողմ տեսնել:

-Չէ՛, Լիլիթ ջան, հոպարիդ պես բժիշկ դարձիր:

-Եղբորդ պես իրավաբան դարձիր:

-Լի՛լ ջան, մորքուրին լսի ու մատնահարդար դարձի, դրանից լավ գործ չկա:

Ու էսպես ամեն անգամ մեր գերդաստանը ինձ չափազանց «օգտակար» խորհուրդներ է տալիս: Ես զարմանում եմ, մեկը չի ասում՝ բա դու ի՞նչ ես ուզում, այ բալա:

13 տարեկանում որոշեցի թարգմանչուհի դառնալ, հետո լրագրող, բժիշկ, դիվանագետ, իրավաբան…

Հիմա կարծես որոշել եմ իրավաբան դառնալ: Բայց վերջերս ուսուցչուհուս հետ ունեցած զրույցը ավելի խճճեց ինձ:

Ես նաև լավից-վատից երգում եմ: Բայց միշտ անտեսել եմ ձայնային տվյալներս:

-Լիլիթ, մի բան մտածի, հազար հատ հանդեսի ես մասնակցել, մի հատ երգ չգիտե՞ս:

-Ախր, ընկեր Փամբուկյան, ես չեմ երգում, այսինքն՝ երգում եմ, բայց միշտ խմբակային:

-Լավ, որ էդպես է, ժողովրդական երգի: Սայաթ-Նովայից կամ Կոմիտասից ի՞նչ գիտես:

-Ես ժողովրդական չեմ երգում:

-Լավ, ուրեմն էստրադայից մի բան երգի:

-Ընկեր Փամբուկյան, բայց ոչ մի երգ անգիր չգիտեմ: Ես չերգեմ էլի:

-Աստված քեզ երգելու շնորհ ա տվել, որ դու անտեսե՞ս: Ես զարմանում եմ, մարդիկ երազում են ձայն ունենալ, դու էլ ունես, հեչ պետքդ չի՞:

-Դե, ես մի քիչ եմ երգում, էն էլ՝ սիրողական:

Սիրողական երգի իմ ունկնդիրները մերոնք են: Ես ամերիկյան փոփի հիմարությունները անգիր եմ անում սխալ-մխալ, ու ամբողջ օրը դրանք եմ երգում: Անկեղծ ասած՝ սիրում եմ երգել, բայց միայն տանը, բեմի վրա ինձ վատ եմ զգում: Երբեք չեմ մտածել, որ կարող եմ երգչուհի դառնալ: Հիմա ի՞նչ անեմ․ թողնեմ ձայնս անիմաստ գնա կորչի՞, թե՞ դառնամ երգչուհի ու իրավաբան դառնալու երազանքս ուղարկեմ գրողի ծոցը:

]]> https://www.17.am/%d5%ab%d5%bd%d5%af-%d5%a5%d5%bd-%d5%ab%d5%9e%d5%b6%d5%b9-%d5%a5%d5%b4-%d5%b8%d6%82%d5%a6%d5%b8%d6%82%d5%b4/feed/ 0 Նոր տեսքով https://www.17.am/%d5%b6%d5%b8%d6%80-%d5%bf%d5%a5%d5%bd%d6%84%d5%b8%d5%be/ https://www.17.am/%d5%b6%d5%b8%d6%80-%d5%bf%d5%a5%d5%bd%d6%84%d5%b8%d5%be/#comments Sat, 20 Oct 2018 10:20:27 +0000 http://www.17.am/?p=31474

-Լիլիթ, ինչո՞ւ մեզ կտրեցիր: Լա՞վ էր, որ մեր շնորհիվ քեզ բոլորը նկատում էին:

-Հանգի՛ստ թողեք ինձ: Ես ընդhանրապես չեմ փոշմանել:

Առավոտյան ժամը 8-ին զարթուցիչս զնգաց ու ընդհատեց մազերիս հետ իմ ճակատամարտը:

Մազերս մինչև վերջերս մղձավանջ էին ինձ համար: 17 տարի մերոնք արգելում էին կտրել մազերս: Իմ մեկ մետրանոց «ընկերները» բեռ էին ինձ համար: Հիմա մազերս կտրել եմ, բայց երազները ինձ հանգիստ չեն տալիս: Երևի մազերս նեղացել են ու վրեժ են լուծում:

Գնացի դպրոց՝ հույս ունենալով, որ կմոռանամ երազիս մասին: Մուտքի մոտ տեսա ընկերուհուս՝ Սյուզիին: Սյուզին սովորական, առանց ձևերի աղջիկ է (ինձ նման). սիրում է գրքեր կարդալ ու ինձ հետ փիլիսոփայլել, բայց նա տառապում է «պրիչոսկամանիայով»: Ես միամտաբար մոռացել էի դրա մասին, ու լայն ժպիտով մոտեցա նրան:

-Լիլ, լավ ա՝ եկար: Մի հատ ասա՝ մազերս շա՞տ թափած ա:

-Սյուզ, բայց դու քո մազերը էսօր փռել ես: Շատ սիրուն ես, քո գանգուրներից էս աշխարհում ոչ մեկը չունի: Դե, պատմի, ինչ կա-չկա:

-Լիլ, բա մազերս շա՞տ գզգզված ա:

-Սյուզ, չէ, ընդհանրապես:

-Բա մեջտեղից սիրո՞ւն ա բացած:

-Ուռա՜, զանգը տվեց,- կյանքում դեռ զանգի ձայնից չէի ուրախացել:

-Լի՜լ, սպասի, մի հատ հայելիդ տուր:

-Սյուզ, չեմ բերել,- ստեցի:

Երևի պիտի չկտրեի մազերս ու հանգիստ ապրեի: Հիմա էլ Սյուզիի մազերի հետ կռվեցի: Հաստատ գիշերը նոր ճակատամարտ է լինելու:

Հոգուս խորքում մի քիչ փոշմանել եմ, որ կտրել եմ, բայց զգուշացնում եմ՝ հանկարծ մազերիս չասեք, թե չէ` ինձ երբեք հանգիստ չեն թողնի:

]]> https://www.17.am/%d5%b6%d5%b8%d6%80-%d5%bf%d5%a5%d5%bd%d6%84%d5%b8%d5%be/feed/ 0 Հիսուներեք տարի առաջ https://www.17.am/%d5%b0%d5%ab%d5%bd%d5%b8%d6%82%d5%b6%d5%a5%d6%80%d5%a5%d6%84-%d5%bf%d5%a1%d6%80%d5%ab-%d5%a1%d5%bc%d5%a1%d5%bb/ https://www.17.am/%d5%b0%d5%ab%d5%bd%d5%b8%d6%82%d5%b6%d5%a5%d6%80%d5%a5%d6%84-%d5%bf%d5%a1%d6%80%d5%ab-%d5%a1%d5%bc%d5%a1%d5%bb/#comments Thu, 18 Oct 2018 12:24:42 +0000 http://www.17.am/?p=31427 Տատս ու պապս 53 տարի է, ինչ միասին են։ Նրանք իրենց երկար ու ձիգ համատեղ կյանքի ընթացքում ունեցել են երեք որդի։ Այժմ երջանիկ վայելում են իրենց ծերությունը, որովհետև ունեն 9 թոռ և 3 ծոռ։ Հաճախ եմ կատակով պապիկիս ասում.

-Պա՛պ, բա էդ ո՞նց տատիկին հավանեցիր։

-Է՛, շան աղջիկ, էդ ինչե՞ր ես խոսում։

-Լավ, տատ, դու պատմիր։

-Ա՛յ մարդ, երեխուն մի նեղացրու։ Ես կպատմեմ, բալես։ Ուրեմն մի անգամ աղի բլիթ կերա ու երազումս պապիդ տեսա։

-Ո՞նց թե, տատ։ Ի՞նչ ես ասում, աղի բլիթը լրիվ սուտ բան ա։

-Սուտ չի, Լիլ ջան։ Ուրեմն պապդ կարմիր «սպարտիվկով» ինձ ջուր տվեց, ես էլ խմեցի։

-Տատ, ի՞նչ կարմիր «սպարտիվկա», հնարավոր չի։

-Հո չե՞մ խաբում, հաջորդ օրը նույն շորերով պապիդ տեսա, ու սիրահարվեցինք։

-Տատ, մեկ ա՝ չեմ հավատում, ի՞նչ աղի բլիթ, ի՞նչ կարմիր «սպարտիվկա»։

-Տո, այ բալա, խաբում ա, էլի: Տեսավ՝ սիրուն հարուստ տղա եմ, միանգամից սիրահարվեց։

-Պապ, բա դու չսիրահարվեցի՞ր։

-Լիլիթ աղջիկ, հաջորդ թոշակից քեզ մի մանեթ չեմ տալու։

-Լավ պապ, էլ չեմ հարցնի, բայց միևնույնն է, չիմացա՝ ո՞նց եք սիրահարվել։

Ու էլ պատասխան չստացա:

]]> https://www.17.am/%d5%b0%d5%ab%d5%bd%d5%b8%d6%82%d5%b6%d5%a5%d6%80%d5%a5%d6%84-%d5%bf%d5%a1%d6%80%d5%ab-%d5%a1%d5%bc%d5%a1%d5%bb/feed/ 0