17 » Տիգրան Մալխասյան https://www.17.am Sat, 27 Sep 2025 09:21:21 +0000 hy-AM hourly 1 http://wordpress.org/?v=3.8.1 Ապրիլի 24 https://www.17.am/%d5%a1%d5%ba%d6%80%d5%ab%d5%ac%d5%ab-24/ https://www.17.am/%d5%a1%d5%ba%d6%80%d5%ab%d5%ac%d5%ab-24/#comments Mon, 24 Apr 2017 16:38:11 +0000 http://www.17.am/?p=18447 Լուսանկարը՝ Տիգրան Մալխասյանի Լուսանկարը՝ Տիգրան Մալխասյանի Լուսանկարը՝ Տիգրան Մալխասյանի Լուսանկարը՝ Տիգրան Մալխասյանի ]]> https://www.17.am/%d5%a1%d5%ba%d6%80%d5%ab%d5%ac%d5%ab-24/feed/ 0 Չարենցավանը երիտասարդական մայրաքաղաք https://www.17.am/%d5%b9%d5%a1%d6%80%d5%a5%d5%b6%d6%81%d5%a1%d5%be%d5%a1%d5%b6%d5%a8-%d5%a5%d6%80%d5%ab%d5%bf%d5%a1%d5%bd%d5%a1%d6%80%d5%a4%d5%a1%d5%af%d5%a1%d5%b6-%d5%b4%d5%a1%d5%b5%d6%80%d5%a1%d6%84%d5%a1%d5%b2%d5%a1/ https://www.17.am/%d5%b9%d5%a1%d6%80%d5%a5%d5%b6%d6%81%d5%a1%d5%be%d5%a1%d5%b6%d5%a8-%d5%a5%d6%80%d5%ab%d5%bf%d5%a1%d5%bd%d5%a1%d6%80%d5%a4%d5%a1%d5%af%d5%a1%d5%b6-%d5%b4%d5%a1%d5%b5%d6%80%d5%a1%d6%84%d5%a1%d5%b2%d5%a1/#comments Mon, 06 Mar 2017 10:59:21 +0000 http://www.17.am/?p=16896 Հարցազրույց Չարենցավանի «ԵՈՒՀԿ» կազմակերպության գլխավոր տնօրեն Գառնիկ Բեգլարյանի հետ: 

-Ինչպե՞ս առաջացավ կազմակերպության ստեղծման գաղափարը: 

-Չարենցավանի երիտասարդական ուսանողական հասարակական կազմակերպությունը հիմնադրվել է 2006 թվականի մարտի 27-ին: Երիտասարդների ակտիվ մասնակցության շնորհիվ սկզբում կազմվել է երիտասարդական խումբ: Հետո արդեն ավելի լուրջ միջոցառումներ իրականացնելու համար երիտասարդական խումբը խնդրանքով դիմել է քաղաքապետ Հակոբ Շահգալդյանին: 2006 թվականին քաղաքապետի հովանավորության ներքո Չարենցավանի ԵՈՒՀԿ-ը գրանցվեց որպես կազմակերպություն: 2009թ-ին կազմակերպության նախագահ ընտրվեցի ես, իսկ մինչ այդ նախագահ են եղել Գոռ Մաթևոսյանը, Վահան Վիրաբյանը: Ես երրորդ նախագահն եմ, և արդեն 7-8 տարի է, ինչ գլխավորում եմ կազմակերպությունը: Այն իր գործունեությունը ծավալում է մինչ օրս և բազմաթիվ միջոցառումների, բարեգործական ակցիաների և նմանատիպ ծրագրերի է մասնակցել:

-Ի՞նչ հաջողություններ է ունեցել կազմակերպությունը այս տարիների ընթացքում: 

-Սպորտի և երիտասարդության հարցերի նախարարության կողմից անցկացվեց մրցույթ, և այս տարի Չարենցավանը հռչակվեց տարվա տարվա «Երիտասարդական մայրաքաղաք»: Նախանցյալ տարի Չարենցավանը հայտ էր ներկայացրել, սակայն մեր արդյունքը մեկ միավորով պակաս էր: Հաղթանակի առիթով «Ֆրեսկո» կազմակերպության և ԵՈՒՀԿ-ի փոխհամաձայնության շնորհիվ 3 օր անընդմեջ իրականացվեցին ֆիլմերի դիտումներ, որոնք թե՛ հոգևոր, թե՛ աշխարհիկ թեմաներով էին և դեռևս չէին ցուցադրվել սոցիալական կայքերում կամ հեռուստացույցով: Արդեն չորրորդ օրը՝ ամսի 27-ին, քաղաք ժամանեց «Ալեքսանդրապոլ Օրկեստրա» երաժշտական խումբը: Կազմակերպվեց անմոռաց և հիանալի համերգ Արամ Խաչատրյանի անվան երաժշտական դպրոցում: Իրենց մասնակցությունը ցուցաբերեցին նաև «Սասնա ծռեր» ազգագրական երգ ու պարի խումբը, Մրոն, դպրոցի սաները և ուսուցիչները:

Քաղաքը մասնակցում է նաև հանրապետական նշանակություն ունեցող ծրագրերի: Դրանցից է «Վարդավառ ֆեստ»-ը Գառնիում, որին արդեն երկու տարի է, ինչ մասնակցում ենք: «Վարդավառ ֆեստ»-ի կազմակերպչական խմբում մեր կազմակերպությունը նույնպես ներառված է:

Ընդհանուր առմամբ՝ ԵՈՒՀԿ-ի հիմնական գործառույթը երիտասարդների հետ շփումն է, տաղանդավոր երիտասարդների բացահայտումը, նրանց համար ճանապարհ հարթելը, տարբեր բեմեր դուրս գալու և տարբեր միջոցառումների մասնակցելու հնարավորություն տալը: Կազմակերպությունը իրագործում է տարբեր բարեգործական ակցիաներ մանկատներում և գյուղերի անապահով ընտանիքների համար:-Վերջերս հանդիպում եք ունեցել Կոտայքի թեմի առաջնորդ Տեր Առաքել արքեպիսկոպոս Քարամյանի հետ: Ո՞րն էր հանդիպման նպատակը, և ի՞նչ արդյունք ունեցավ այն: 

-Մարգար սարկավագ Հագեյանի հետ միասին հանդիպում ունեցանք առաջնորդի հետ, ստացանք նրա օրհնությունը, և ի ուրախություն բոլորի՝ սարկավագը նշանակվեց Կոտայքի մարզի ատենապետ՝ երիտասարդական խորհրդի առաջնորդ: Այդ օրը քննարկվեցին 2017-ին Կոտայքի մարզում իրականացվելիք ծրագրերը, որոնց մեջ մասնակցություն են ունենալու երիտասարդական կազմակերպությունները և եկեղեցուն կից գործող երիտասարդական խորհուրդները: Եթե ծրագրեր կամ միջոցառումներ կազմակեպենք, ապա տեղյակ ենք պահելու երիտասարդական խորհրդին, քանի որ ծրագրի ընթացքում նրանք նույնպես կարող են նոր գաղափարներ առաջարկել: Եվ հակառակը, եկեղեցական տոներին, ուխտագնացություններին մասնակցելու են նաև տեղի երիտասարդները՝ իրենց կազմակերպությունների հետ:

Այսօր էլ Չարենցավանի երիտասարդությունը պահպանում է իր ակտիվությունը, ու մեր քաղաքի կյանքն աշխուժացնում իր նոր մտքերով ու գաղափարներով:

]]> https://www.17.am/%d5%b9%d5%a1%d6%80%d5%a5%d5%b6%d6%81%d5%a1%d5%be%d5%a1%d5%b6%d5%a8-%d5%a5%d6%80%d5%ab%d5%bf%d5%a1%d5%bd%d5%a1%d6%80%d5%a4%d5%a1%d5%af%d5%a1%d5%b6-%d5%b4%d5%a1%d5%b5%d6%80%d5%a1%d6%84%d5%a1%d5%b2%d5%a1/feed/ 0 Իմ ճանապարհը https://www.17.am/%d5%ab%d5%b4-%d5%b3%d5%a1%d5%b6%d5%a1%d5%ba%d5%a1%d6%80%d5%b0%d5%a8/ https://www.17.am/%d5%ab%d5%b4-%d5%b3%d5%a1%d5%b6%d5%a1%d5%ba%d5%a1%d6%80%d5%b0%d5%a8/#comments Fri, 07 Oct 2016 10:01:48 +0000 http://www.17.am/?p=12023 Լուսանկարը՝ Տիգրան Մալխասյանի

Լուսանկարը՝ Տիգրան Մալխասյանի

Ես Մալխասն եմ: Երկրորդ դասարանից այդ մականվամբ ինձ կնքել է ընկերս` Արտյոմը, ով այնքան է ինձ Մալխասով դիմել, որ իրական անունս մոռացել է: Սկսած այս հոդվածից, ուզում եմ կիսվել իմ պատմությունով: Այս հարցում ինձ ձեռք մեկնեց էլի Արտյոմը, ով հայտնի է իր  հոդվածներով 17.am-ում: Այս ծրագրին մասնակցելու ցանկությունս առաջացել էր դեռ վաղուց, և ընկերոջս հետ խորհրդակցելով, փորձեցի կյանքի կոչել մտադրությունս:

Եկեղեցին դարձել է իմ կյանքի  կարևորագույն մասը: Երկար տարիներ եկեղեցում սպասավոր լինելս օգնեց ինձ հասկանալ եկեղեցու անգնահատելի դերը ոչ միայն որպես շինություն, այլև որպես հոգևոր բնօրրան իմ կյանքում:

Տատիկս պատմում է, որ երբ 3 ամսեկան էի, և սովորականի պես ինձ բարուր էր անում, այդ ժամանակ ասում էր.

-Աստված ջան, էս ինչ լավ բալա ես տվել մեզ:

Եվ չգիտես ինչու, այդ խոսքերից անմիջապես դադարում էր հնչել իմ երեխայական լացի ձայնը, և դրա հետ մեկտեղ, արտասվելը. կարծես թե հասկանում էի տատիկի ասածը:

Եվս մեկ դեպք տատիկի հիշողություններից. մոտ 3 տարեկան հասակում (այդ տարիքում է տեղի ունեցել մկրտությունս  մեր շատ սիրելի  և արժանապատիվ Տեր Իսահակ քահանա Մարգարյանի օրհնությամբ) խաչաձև տեսքով իրար էի ամրացնում 2 փոքր փայտեր և դնելով ընտանիքի անդամների գլխին՝ ասում.

-Ես տերտեր եմ, ես օրհնում եմ ձեզ…

Եվ ահա եկավ ժամանակը, և կյանքումս տեղի ունեցավ շրջադարձային իրադարձություն:

Արդեն 5-րդ դասարան էի: Դպրոցում Հայ Եկեղեցու Պատմության  հերթական դասն էր: Մտնելով դասարան, ընկեր Գոգատաշվիլին հարցրեց, թե ովքեր են տղաներից մկրտված: Եվ գրանցելով իր մոտ 7 հոգու անուն, նա հայտնեց, որ լինելու է Ոտնլվայի կարգ, և մենք էլ պետք է մասնակցենք: Արարողությանը մասնակցելուց հետո Էմին սարկավագը (ներկայումս` Հայր Թովմա Խաչատրյանը) մեզ մի երկու խոսք ասաց մեր հետագա անելիքների մասին. առաջարկեց գալ կիրակնօրյա պատարագին և խոստացավ սովորեցնել բուրվառ գցել: Այսպիսով, նախքան պատարագը, բոլորս հերթով գցում էինք` իրար հերթ չտալով, և փորձելով մյուսներից ավելի լավ գցել այն: Ահա անցավ ժամանակ, և տղաները դադարեցին գալ պատարագներին, ժամերգություններին, մնացի միայն ես՝ հավատարիմ ու ծառա մինչ օրս: Այդ բուրվառը այնքան էր ինձ հետաքրքրել, որ մոգոնեցի փոքրիկ բուրվառ: Տանը ածուխ կար, սակայն առանց խունկի, այդ իսկ պատճառով պատարագներից  մեկի ժամանակ խնդրեցի Տեր Հորը, որ ինձ խունկ տա: Զարմացած հարցրեց, թե ինչ եմ անում այդ խունկը, իսկ ես պատասխանեցի, որ փոքր բուրվառ եմ սարքել և տանը իմ աղոթքներով, անուշաբույր հոտը տարածելով վերացնում եմ չար հոգիներին: Նա ժպտաց ու ասաց.

-Բալես, ինչքան ուզում ես վերցրու:

Լուսանկարը՝ Տիգրան Մալխասյանի

Լուսանկարը՝ Տիգրան Մալխասյանի

Մյուս դեպքը շատ հուզիչ է և տպավորվել է իմ մեջ… Չգիտեմ… Դա երևի գերբնական ինչ-որ բան էր, կամ իրոք Աստծո կողմից ուղարկված հրաշք: Պատարագներից մեկի ժամանակ մեր բուրվառակիրներից մեկը` Արտակը, սովորականի պես  գցում էր  այն` առաջ և հետ: Ծուխ, որը միշտ տեսնում ենք՝ ամեն պատարագի ժամանակ, բայց այս մեկը շատ հիասքանչ տեսարան էր ինձ համար: Երեք անգամ գցելուց հետո ես ուշադրություն դարձրի այդ ծխի ձևավորվելուն, թե ինչպես է այն խառնվում իրար և պատկերում ինձ համար Հիսուսի դեմքը: Այո՛, ես տեսա Քրիստոսին, և այդ անշարժացած դիրքով պատկերը հայտնվեց ինձ ու հանգիստ անցավ խորանի դիմացով: Ուղղակի աննկարագրելի զգացողություն էր, շատ անհավատալի էր այդ հրաշքը տեսնելը: Դրանից հետո ես միշտ փորձել եմ տեսնել դա ևս մեկ անգամ, և մինչ օրս չեմ դադարում ուշադրություն դարձնել:

Ես Աստծուն հիշում էի նեղության կամ դժվարության մեջ, սակայն ժամանակի ընթացքում հասկացա, որ պետք է Աստծուն հիշել և շնորհակալ լինել ամեն տված լավ թե վատ վայրկյանի համար, ամեն ինչի համար, որ մենք ունենք: Նրա համար, որ մեզ տվել է լավ ծնողներ, լավ շրջապատ, և անկեղծ մարդկանց, ովքեր մեր կողքին են ու իրենց ընկերակցությամբ և ժպիտով լիացնում են մեր օրը:

Շատ զորավոր է, երբ աղոթելուս ժամանակ մարմինս փշաքաղվում է. դրանով զգում եմ, որ աղոթքներս հասնում են երկինք, և Աստված լսում է ինձ:

]]> https://www.17.am/%d5%ab%d5%b4-%d5%b3%d5%a1%d5%b6%d5%a1%d5%ba%d5%a1%d6%80%d5%b0%d5%a8/feed/ 0