Գոռ Մուրադյանի բոլոր հրապարակումները

gor muradyan shirak

Կարծրատիպերից դուրս, կամ այն վնասակար է առողջությանը

Շատ ու շատ տղա երեխաների մանկուց «ծրագրավորում» են, որ սովորելը ամոթ բան է, այն միայն աղջիկների համար է և այլն, և այլն։ Քանի անգամ ականատես եմ եղել, որ ավագ սերունդը «խրատներ» է տվել կյանքը աչքերում վառվող տղայի, որը երազում էր դառնալ իրավագետ կամ գիտնական։ Ասել են, թե «սովորելը քեզ ինչ պետք է», «միայն աղջիկներն են սովորում»։ Եվ այդպես էլ երազանքը չկատարվեց տղայի, որովհետև սովորելը ամոթ էր։ Դրա փոխարեն նրանց արհեստ են սովորեցնում։ Չէ, չէ, արհեստը վատ բան չէ, առանց դրա կյանքը ամբողջական չի լինի, բայց դա այն ժամանակ է լավ, երբ այն հոբբի է, սիրած գործ, որը մասնագիտության կվերածվի։ Այն լավ չէ այն ժամանակ, երբ միակ փող աշխատելու ձևն է։ Եվ սա միակը չէ, այսպես այլ դեպքեր լինում են նաև աղջիկ երեխաների հետ, որոնք իրենց ցանկանում են փորձել սպորտում կամ այլ ոլորտներում, որոնք, ըստ հասարակության, միայն տղաների համար են։ Կամ երբ ասում են՝ աղջիկ է, մեկ է, ամուսնանալու է, գնա, ինչի՞ սովորի։ Իմ կարծիքով՝ մարդը հաջողության կհասնի այն ժամանակ, երբ կանի ամեն ինչ հաճույքով։