Լուսանկարը` Ստելլա Ավետիքյանի

Հունիսի 17-ին Գրիգոր Լուսավորիչը դուրս է եկել Խոր Վիրապից, որտեղ անցկացրել էր 13 տարի: Այս կապակցությամբ այդ օրը մոտ 30 ուխտավոր Երևանից եկել էր Սբ. Գրիգորի վանքը, որը կառուցվել է Գրիգոր Ա Մամիկոնյանի կողմից: Վանքը գտնվում է Սբ. Գրիգորի ձորում, իսկ այնտեղ գնացող ճանապարհին կտեսնեք նաև «Գիքորի ախպիրը», այնպես որ՝ համեցեք:

Լուսանկարը` Ստելլա Ավետիքյանի

Երբ նախորդ անգամ գնացել էի վանք, ի դեպ՝ դա անցած տարվա հուլիսի 14-ն էր, տեսա, որ վանքը վերակառուցվում է: Հովանավորը Մշակույթի նախարարությունն է: Շինարարական աշխատանքները կընթանան մի քանի փուլով, որոնք կիրականացվեն առաջիկա հինգ տարիների ընթացքում: Նաև պարզեցի, որ վանքը ներառված է ՅՈՒՆԵՍԿՕ-ի 7 ամենավտանգված շինությունների շարքում, սակայն դա դեռ չի հաստատվել պաշտոնապես: Հաստատվելուց հետո ՅՈՒՆԵՍԿՕ-ն նույնպես հովանավոր կլինի:

Լուսանկարը` Ստելլա Ավետիքյանի

Աշխատանքները սկսվել են 2016 թվականի մայիսին: Արդեն նկատելի է՝ բավականին աշխատանք է կատարված: