«Ոզնի»՝ մրցույթ, որին մասնակցում են, ոգեշնչվում և դարի ամենապահանջված մասնագիտության մեջ հմտանում, առաջ գնում։
Հունիսի 14-ին Հայաստանի ամերիկյան համալսարանի Ալեք և Մարի Մանուկյան դահլիճում տեղի ունեցավ «Ոզնի 2018» ամենամյա համակարգչային մրցույթի ամփոփումն ու մրցանակաբաշխությունը։
Մրցանակակիր երեխաները 65-ն էին՝ տարբեր մարզերից և տարբեր տարիքի աշակերտներ, ովքեր օրինակ են ծառայում և ոգեշնչում են իրենց ընկերներին։ Մրցանակներ ոչ միայն մրցույթի կազմակերպիչներն էին պատրաստել, այլև մրցույթի աջակից կազմակերպությունները, ինչը նույնպես ոգևորիչ էր։
Մրցանակակիրներից Արթուր Քոլոզյանը (6-րդ դասարանցի) ասում է, որ անսպասելի էր արդյունքը, բայց մեծ հաջողություն է համարում այս տարիքում այսպիսի մրցույթում հաղթելը և խոստացավ անպայման մյուս տարի էլ մասնակցել՝ արդեն ընկերների հետ։
Այսպիսի մրցույթներին մասնակցելով և համակարգչային ծրագրերը ուսումնասիրելով, կիրառելով՝ ավելի շատ բան ենք սովորում ու ավելի ոգևորվում, քան շատ այլ դպրոցական դասերի ժամանակ։
Առա՜ջ, «Ոզնի», քո նպատակը (խթանել դպրոցներում ՏՀՏ ոլորտի զարգացումը) արդեն իրականանում է։