Այսօր Արմավիրի մարզի Մրգաշատի եկեղեցում մատուցվեց Ավետման Սուրբ Պատարագ։ Դե, արդեն պարզ է, որ Պատարագի հիմնական խորհուրդը մայրության տոնն է։ Պատարագի ժամանակ Սիոն սրբազանը քարոզեց՝ մեջբերելով Գարեգին Առաջինի խոսքերը. Մարիամ Աստվածածնի մեջ է ամփոփված մայրության բարձրագույն արտահայտությունը։ Նաև քանի որ մենք այժմ Մեծ Պահքի մեջ ենք, ասաց, որ կարևոր է պահքի ժամանակ չկենտրոնանալ զուտ կերակուրներից հրաժարվելու վրա: Մեծ Պահքը շատ ավելի կարևոր իմաստ ունի։ Պետք է ձգտել հոգևոր պահքի, որն է՝ ապրել Աստծո պատվիրաններով։
Ես ևս այս բառերը լսելով, մտածեցի և հիշեցի, որ ընկերոջս հետ կռված եմ, և հասկացա, որ պետք է անպայման հաշտության եզրեր փնտրել, դրա համար հենց այսօր ես ամեն ինչ կանեմ, որպեսզի հաշտվենք։
Առջևում Ավագ Շաբաթն է, և բոլոր քրիստոնյաները պետք է ձգտեն ապրել պատվիրաններով, այլ ոչ թե միայն մի քանի կերակուրներից հրաժարվեն և հպարտանան, թե պահքի մեջ են։
Ու քանի որ այսօր Ավետման տոնն է, մայրության և գեղեցկության, ուզում եմ շնորհավորել բոլոր մայրերին: