Ինչպես ամեն տարի, այս տարի նույնպես Վանաձորում նշվեց Եվրոպայի օրը: Առավոտից Հայքի հրապարակում խառնաշփոթ էր տիրում: Մարդիկ միջոցառման հենց առաջին րոպեներից աջ ու ձախ էին վազվզում, որպեսզի հասցնեն մասնակցել անցկացվող մրցույթներին: Սկզբում եղավ վիկտորինա, այնուհետև հարց ու պատասխան, որի ժամանակ բազմաթիվ մարդիկ նվերներ ստացան: Յուրաքանչյուր մրցույթին հաջորդում էին երաժշտական դադարները: Ինչպես նաև բաժանվեցին նվերներ ՝ գրիչներ, կպչուն պիտակներ և այլն:

Օրը ամփոփեցինք մի ավելի հետաքրքիր մրցույթով, ամեն մեկի մոտ կար թուղթ, որի վրա գրված էր թիվ, և հաղորդավարը վիճակահանության սկզբունքով ընտրում էր հաղթողներին: Գլխավոր մրցանակները տրվեցին հինգ հոգու՝ ականջակալներ, իսկ մնացածներին՝ շապիկներ և բաժակներ:

Ու թեև եղանակային վատ պայմաններին, մարդիկ ուրախանում և պարում էին: Իսկ ամենահետաքրքիրը այն էր, որ հաղթողների շարքում էին նաև մեծահասակները, ովքեր իրենց լավ տրամադրությամբ վարակում էին մի անի ամաչկոտ երիտասարդների: