Իսկ դուք երբևէ լսե՞լ եք Ալիաս խաղի մասին, կամ արդյո՞ք գոնե մեկ անգամ ընկերներով չեք խաղացել այն։

21-րդ դարում, երբ ամեն ինչ կապված է տեխնիկայի և համացանցի հետ, մեր սիրելի խաղերը ևս թևակոխել են նոր փուլ։

Հետաքրքիր, ինտելեկտուալ ժամանց ապահովելու և նոր բաներ սովորելու համար Ալիաս խաղը լավագույն տարբերակն է, և դա արդեն որքա՜ն ժամանակ։

Սակայն վերջերս ստեղծվել է Ալիասի նոր և հայկական տարբերակը` կազմված էլ ավելի շատ կատեգորիաներից։

Կարևորում ենք հատկապես «Հայաստան Ջան» կատեգորիան, որը հային և Հայաստանին առնչվող բառերը վերհիշելու և կամ սովորելու հրաշալի միջոց է։ Գործածվում են նաև հայերեն տերմիններ, ինչը ևս, կարծում ենք, շատ կարևոր և հատկանշական է։

Այս խաղն օգնում է ընդլայնել բառապաշարը, խթանում է հիշողության լավացմանը և միջոց է ժամանակն ավելի արդյունավետ և հիշարժան անցկացնելու համար։

Խաղի առավելություններից մեկն էլ այն է, որ խաղալու համար ինտերնետ հասանելիություն ունենալ  ամենևին էլ հարկավոր չէ, կարող ենք խաղալ ցանկացած տեղում և ցանկացած ժամանակ։

Մի փոքր պատմենք խաղի մասին: Ալիաս խաղում են թիմերով: Մասնակից թիմի անդամներից մեկը հնարավորինս արագ և հասկանալի բացատրում է բառը, իսկ նրա թիմակիցը փորձում է նույնքան արագ գուշակել այն։ Հաղթում է այն թիմը, որն ավելի շատ բառեր է կարողանում գուշակել նշված ժամանակում։

Ալիաս հայկական խաղը կարող եք խաղալ ոչ միայն հայերեն, այլև ռուսերեն, անգլերեն և իսպաներեն, ինչը կօգնի էլ ավելի վարժ խոսել տվյալ լեզուներով։

Այս խաղի առավելություններից հայտնի է նաև այն, որ կարող եք խաղալ ըստ ձեր խմբի նախասիրությունների և մասնագիտության։ Կան հետևյալ կատեգորիաները` հայտնի մարդիկ, գրքեր, ֆիլմեր, երաժշտություն, սպորտ, ֆուտբոլ, սնունդ, կենդանիներ, մասնագիտություններ, մարքեթինգ, նախագծերի կառավարում, դիզայն, ծրագրավորում և տեղեկատվական տեխնոլոգիաներ, աշխարհագրություն և, ինչպես արդեն ասացինք, հատուկ կատեգորիա` կազմված միայն հային և  Հայաստանին վերաբերող բառերից։

Զրույց ունեցանք Ալիաս նախագծի համահիմնադիր, Product & Project Manager Շուշան Ասատրյանի հետ, ով սիրով պատասխանեց մեզ հուզող հարցերին։

-Ե՞րբ և ինչպե՞ս ծագեց խաղի ստեղծման միտքը։

-Ես շատ եմ սիրում խաղալ, հատկապես ընկերներիս հետ, ու դա նպաստեց ստեղծել մի խաղ, որը  միաժամանակ կլինի և՛ ժամանցային, և՛ ինտելեկտուալ։

Խաղի ստեղծման հաջորդ պատճառը  հայերեն տերմինները գործածության մեջ դնելն է,  գնալով մեծանում է այլ լեզուներով, հատկապես անգլերեն խոսելը և տերմիններ օգտագործելը, իսկ խաղը հնարավորություն է տալիս օգտագործել հայերեն բառեր։

-Խաղի մեջ նախատեսո՞ւմ եք թարմացումներ, կա՞ն փոփոխության ենթակա մասեր։

-Խաղն անընդմեջ թարմացնում ենք, առաջիկայում նպատակ կա  նոր կատեգորիաներ և որոշակի նոր ֆունկցիաներ ավելացնելու։

- Առաջիկայում կարո՞ղ ենք Ձեզնից սպասել նմանատիպ որևէ այլ խաղի ստեղծում։

-Գուցե։ Փակագծերը չեմ ուզում բացել։

Հիշեցնենք, որ խաղը հասանելի է թե՛ Android, թե՛ iOS օպերացիոն համակարգերի համար:

iOS

https://apps.apple.com/us/app/aliases-al/id1663632864

Android

https://play.google.com/store/apps/details?id=com.stepforward.aliases