Ոչ աշխատանքային, բայց մարզվելու օր

Լուսանկարը` Սերյոժա Առաքելյանի

Լուսանկարը` Սերյոժա Առաքելյանի

Մայիսի 1-ը, ինչպես գիտենք, համարվում է ոչ աշխատանքային օր, սակայն ոչ բոլորն են հետևում կանոններին և զբաղվում են ինչ որ մի գործով: Այդպիսի մի գործ էլ իր ուսերին վերցրեց Հայաստանի Ֆիզիկական Կուլտուրայի Պետական Ինստիտուտի ուսանողների մի խումբ, ովքեր զբաղվում են Կինեզիոլոգիայով: Նրանց համար, ովքեր չգիտեն, թե ինչ է Կինեզիոլոգիան, մի երկու բառով բացատրեմ. սա գիտություն է, որը գործնականում ուսումնասիրում է մկանների շարժումը: Հետազոտելը քիչ է, պետք է նաև այդ մասին տեղեկացնել հանրությանը, չէ որ առողջ ապրելակերպ պետք է վարեն հասարակության բոլոր անդամները` անկախ տարիքից, սեռից, մասնագիտությունից: Ու մայիսի մեկին Երևանի Շառլ Ազնավուրի անվան հրապարակում բոլոր ցանկացողները կարող էին մասնակցել ուսանողների հանրային դասին:

Լուսանկարը` Սերյոժա Առաքելյանի

Լուսանկարը` Սերյոժա Առաքելյանի

Միջոցառման ժամանակ քննարկվեցին մարզվելու և չմարզվելու, կամ շատ և քիչ մարզվելու դրական և բացասական հետևանքները, արդյո՞ք պետք է շարժման մեջ գտնվի մարդը, թե ոչ: Համոզվելու համար մոտ մեկուկես ժամ հավաքվածմարդիկ կատարեցին բեմի վրա գտնվող կատարողների վարժությունները և համոզվեցին անգամ, որ օրական անգամ շատ կարճ ժամանակով սպորտով զբաղվելը զերծ կպահի ավելորդ քաշից և մի շարք առողջական խնդիրներից:

Հաճելի և առույգացնող երաժշտության ներքո վարժությունները կատարերուց հետ նաև սպասվում էր անակնկալ այն մասնակիցներին, ովքեր ավելի ակտիվ և գրագետ կատարեցին բոլոր վարժությունները և ստացան խրախուսական մրցանակներ:

Եղեք առողջ, ակտիվ և շարժուն: