Հարցազրույց մայրիկիս` Լուսինե Մկրտչյանի հետ
-Մամ, մի փոքր պատմիր քո մասնագիտության մասին:
-Ես մասնագիտությամբ սոցիալական աշխատող եմ:
-Ի՞նչ ես ուսումնասիրում:
-Ուսումնասիրում եմ հասարակության խոցելի հիմնախնդիրները. հաշմանդամություն, գործազրկություն, իրավախախտներ և ծերություն:
-Ո՞րն է քո աշխատանքի բնույթը:
-Ես աշխատում եմ Զբաղվածության տարածքային կենտրոնում: Աշխատում ենք հիմնականում գործազուրկների, հաշմանդամների հետ, փորձում ենք աջակցել նրանց և աշխատանքի տեղավորել:
-Հե՞շտ է աշխատել նման խավերի հետ: Ի՞նչ բարդություններ են առաջանում:
-Ամեն աշխատանք ունի իր դժվարությունները: Շահառուն ոչ միշտ է ճիշտ հասկանում մեր խորհուրդները, սակայն որպես սոցաշխատող, փորձում ենք համբերատար լսել նրանց խնդիրների մասին, աջակցել նրանց, տալ մասնագիտական կողմնորոշում: Ընդգրկում ենք տարբեր ծրագրերում, որոնք հեշտացնում են այդ խնդիրները:
-Բավարարվա՞ծ ես աշխատանքիցդ:
-Ոչ այնքան: Այս ոլորտում կան շատ բացեր` այն Հայաստանում զարգացած չէ: