Այսօր փետրվարի տասներեքն է, հայոց եկեղեցին նշում է Տյառնընդառաջ տոնը: Արդեն ավանդույթ է դարձել, որ ամեն տարի այս տոնին մեր՝ Արարատի մարզի Մրգավետ գյուղի դպրոցում դասերից հետո բոլորս դուրս ենք գալիս բակ, որպեսզի ներկա լինենք կրակի վառելու գործընթացին: Հետո սկսում ենք մեծ շրջան կազմել և շրջել կրակի կողքով, հետո սկսում ենք թռչել կրակի վրայով: Սկզբում թռչում են երեխաները, այնուհետև մեծերը:

Բոլորս շատ ոգևորված էինք, և թեև դրսում շատ ցուրտ էր, կրակն ասես կոտրում էր ցուրտը և կարծես ասում, որ սաստիկ ձմեռն արդեն ավարտին է մոտենում: