-Ծնունդդ շնորհավոր, պապի ջան: 

Բայց պապիկիս պատասխանի փոխարեն տեսա նրա մի կաթիլ արցունքը, որի մեջ կարծես արտացոլվեցին նրա ապրած 80 տարիները: Այնքան բարություն կար նրա աչքերի մեջ, անսահման…

Այսօր պապիկիս 80-ամյակն է: Ինչ հեշտ է, չէ°, մի վայրկյանում ասում ենք՝ 80-ամյակ, բայց այդ 80 տարիները, թե ինչպես են անցել, մենք չենք էլ կարող պատկերացնել: Դեռ փոքր տարիքից պապիկիս շատ եմ սիրել: Հիշում եմ, միշտ ուզում էի գնալ նրանց տանը մնալ` տատիկիս ու պապիկիս հետ: Ժամանակս շատ հետաքրքիր էր անցնում այնտեղ, տարբեր խաղեր էինք խաղում, հետո ինձ համար հեքիաթ էին կարդում ու չէինք էլ հասկանում, թե ինչպես օրն անցավ:

Հիմա, երբ պապիկս 80 տարեկան է, հասկանում եմ, որ նրա հետ անցկացրած ամեն մի վայրկյանս իզուր չի եղել: