Լուսանկարը` Աստղիկ Հունանյանի
Մի քանի օր առաջ՝ հուլիսի 8-ին, Եղեգնաձորի «Արագիլ» կինոթատրոնի դիմաց տեղի ունեցավ մեծ զորահանդես՝ նվիրված ՀՀ ՊՆ 4-րդ բանակային կորպուսի ստեղծման 20-րդ տարելիցին։ Բոլոր ճանապարհները փակվել էին զինվորական մեքենաներով, տարբեր հարթակներով, որտեղ հատուկ զինվորականներ երեխաներին ու մեծահասակներին ցույց էին տալիս ռազմական համազգեստները, զենքերն ու այլ պարագաներ, պատմում էին դրանց մասին։ Համերգն սկսվեց ռազմական երթով, որին հաջորդեց «եռագույնով» երթը։ Ապա, ինչպես միշտ, ազգագրական պարերով հանդես եկան Շատինի և Գետափի պարային համույթները։ Այնտեղ էր նաև Եղեգնաձորի բոլոր միջոցառումներին պարտադիր ներկա գտնվող արևածաղիկ ու շաքարաքլոր վաճառող տատիկը։ Ներկա էին նաև հազարավոր վայոցձորցիներ, բարձրաստիճան պաշտոնյաներ։ Գրեթե բոլորն ստացան լավ տպավորություն։
Լուսանկարը` Աստղիկ Հունանյանի
Բայց կար մի ստվար զանգված, որը միջոցառման մի մասից վատ տպավորություններ ստացավ (ես էլ էի այդ զանգվածի մեջ)։ Խոսքը ռազմական պատրաստվածությունը ցուցադրելու համար փոքր մենամարտի ու այլ ցուցադրական վարժությունների մասին է։
Լուսանկարը` Աստղիկ Հունանյանի
Լուսանկարը` Աստղիկ Հունանյանի
Սկզբից մարտ էին ցուցադրում, հետո էլ զինվորներից մի քանիսի մեջքին երեք-երեք խողովակներ էին ջարդում, ապա մեկը ձեռքով կոտրում էր բոլոր ապակյա տարրաները, ինչի արդյունքում նրա ձեռքերն ամբողջությամբ վնասվեցին, ու մի ահագին ժամանակ էլ արյունոտ ձեռքերով կանգնած էր՝ այրվող փայտն էլ կոտրում էին թևին։ Դե, հասկանալի է, դրանով ուզում էին ցույց տալ, թե ինչ դժվարություններ կարող է հաղթահարել արդեն քսան տարվա պատմություն կերտած այդ բանակային կորպուսը, բայց զինվորներին այդպես տանջելը մի ինչ-որ ներկայացման համար ոչ բոլորին դուր եկավ
Լուսանկարը` Աստղիկ Հունանյանի
։ Շատերն ուղղակի «վայ, քոռանամ ես», «հլը՝ ինչ մեղք ա», «դե, վերջացրեք արդեն» արտահայտություններն էին կրկնում անընդհատ, շատերն էլ գոհ կանգնել նկարում էին։
Լուսանկարը` Աստղիկ Հունանյանի
Վերջում շատ զինվորականներ մեդալներ ու պատվանշաններ ստացան՝ ողջ ընթացքում ցույց տված խիզախության ու հայրենիքին մատուցած ծառայությունների համար։ Երեխաներն էլ իրենց հայրիկներին քաջալերելու համար նույնպես զինվորական հագուստներ էին հագել: